孫慧雪同歐瑞偉劇情點發展 《開心速遞》KC專旺女友生B

阿雪似暗示希望留底繼續做同KC一對。

孫慧雪於初七人日宣布懷有第二胎喜訊，今日她在社交網貼上與在《愛．回家之開心速遞》男友KC歐瑞偉挽手合照，留言話要做民意調查！「宣布咗懷孕嘅消息之後，我一日都會被人問十次，咁你同KC會點？KC會唔會換女朋友？你呢胎可唔可以係KC㗎？不如你哋話我知，你哋嘅創意答案，可能監製、編劇們會採立你哋嘅意見㗎！」

阿雪初七宣布佗第二胎。

原來好多網民都想二人繼續一齊：「你同KC宣布未婚大肚」、「咁不如講你同KC雙喜臨門」、「話KC搞大咗你個肚，同你結婚，你做幸福少奶奶，之後返屋企養胎」、「同KC結婚」等；當有網民提議「KC同返Helen一齊」，阿雪即反對：「唔准呀！」

有心水清網民就話：「點解KC同親啲女演員都會大肚，KC好嘢」!2021年，在劇中飾演KC女友Icy的岑杏賢，因懷孕請假半年，但生B後岑杏賢最終決定專心湊仔退出劇組，KC慘被飛。

岑杏賢因為生B不再做KC女友。