肥媽血壓高心肌痛入院通波仔　手術前交代暫停更新社交平台

肥媽（Maria Cordero）今日（9月23日）在社交平台上載一條躺在醫院病床的影片，標題寫道：「要同大家講聲唔好意思，因為身體有啲唔舒服，陣間都要做手術，所以嚟緊呢兩星期的Live 都要暫停，等我休息下，謝謝大家。」

肥媽在影片中表示，日前感到心肌痛兼血壓高，需要入院通波仔。「有一日心肌痛，痛得好緊要，然後出晒汗，暈啊，再度血壓好高，氧氣好低，所以入嚟。依家醫生話要做手術。大家唔使擔心，我拍條片話俾大家知，呢兩個星期嘅facebook、YouTube、WeChat嗰啲，唔得閒做，等我好番先，做完手術唞下先再同大家見面，唔好意思。」

肥媽透露將於今日稍後時間做通波仔手術，不少圈中好友，包括周吉佩、周國豐、譚輝智、查小欣等都留言為她打氣。而她昨日上載一條與愛犬互動的影片，上周更在facebook做直播教煮餸。