大擺烏龍！KISS樂隊奧地利開騷竟然誤掛澳洲國旗

美國殿堂級樂隊KISS近期於歐洲舉行名為《End of the Road》告別巡唱，而早前他們就於歐洲國家奧地利舉行演唱會，不過主辦單位竟然大擺烏龍，因而被網民批評他們冇常識！

話說當晚樂隊在奧地利的首都維也納開騷，但在舞台上打出一個「KISS愛你，維也納」（KISS Loves You Vienna）字樣的燈箱，怎料在KISS名字入面竟然出現澳洲的藍色國旗！立即淪為網上笑話，被大批網民洗版式批評主辦單位擺烏龍落錯國旗。認真瘀爆！有網民留言指正錯誤：「想話畀你知，維也納唔係喺澳洲囉！！」另有網民嘲諷：「多謝KISS畀我哋一個好出色嘅演出，並將袋鼠帶到去澳洲嘅維也納。」事後KISS樂隊亦公開當晚的表演片段，但就冇提及「擺烏龍」一事：「維也納！多謝你嘅精彩一夜！我哋愛你！」而下月以及9月他們就會去澳洲舉行9場騷，唔知到時他們又會否擺烏龍放錯奧地利國旗呢？

東網網站 : https://on.cc/東網Facebook專頁 : https://www.facebook.com/onccnews/