前日（18日）由Asia Poker Academy (APA) 亞洲撲克學院舉辦嘅「香港公開撲克比賽2023」喺香港會展中心舉行咗決賽，除咗多場激烈嘅淘汰賽之外，仲邀請到撲克發燒友 Eric Kwok 、劉浩龍、楊埕同楊家寶等人出戰明星表演賽！啱啱一齊喺北海道返香港嘅Eric Kwok同劉浩龍，逗留咗喺日本差唔多一個月，每日起身就係出去滑雪，叉足電盡興而歸！唔怪之得出席活動時，兩個都神彩飛揚啦～
廣告（請繼續閱讀本文）
雖然話係明星表演賽，不過每位參加者都當好似拎住真錢咁玩，鬥志鬥力，又盡量表現出poker face，等對方估唔到自己底牌。而一向大力推廣德州撲克遊戲文化嘅Eric Kwok同劉浩龍，因為一齊經營YouTube頻道《圓桌德州撲克》，成日都邀請唔同嘅明星朋友上去玩poker，所以就算比賽都可以輕輕鬆鬆、談笑風生咁玩啊！
廣告（請繼續閱讀本文）
決勝階段由《愛回家》楊家寶（Bobo）對決主辦方Lazy Marketing嘅CEO Edmond Ling！雖然Bobo話自己學咗poker無耐，但實力超晒班，非常有天份，同Edmond來來回回咁All-in都分唔出勝負，經過多輪苦戰後，最後由Edmond贏出明星表演賽。Bobo可以講係雖敗猶榮啊～
廣告（請繼續閱讀本文）