皇馬教練安察洛堤接受訪問表示「由於我嘅歷史，我唔會同沙維交換，所以執教巴塞隆拿對我嚟講係永遠無可能。而我覺得大家都要尊重每個人同各間球會嘅歷史，我非常尊重巴塞同沙維。我唔想同任何人交換，因為我係皇馬好開心，而皇馬係世界上最好球會，所以我唔想改變☺️。」
呢位意大利🇮🇹教練又話「我覺得球隊今季同上季無咩分別，而所有反勝都為球隊帶嚟好大信心，上季呢個時候我哋只係對住PSG比賽成功反勝，依家經歷咁多次反勝之後，我哋更加有信心。我睇到成班球員好團結，好有拼勁，真係令人好興奮🤣。」
廣告（請繼續閱讀本文）
安察洛堤最後被問到點睇賓斯馬、摩迪同卻奧斯三位球員，肥安就話「佢哋三個嘅體能可能差過後生仔，但係佢哋處理比賽嘅方式都係獨一無二，三位球員都無可能再係轉會市場搵到，因為呢啲野都係透過經驗吸收。年齡可能令你失去啲野，但係都比到野你，就好似比咗其他人無嘅經驗😎。」
▼ Follow Football.jai 足球仔
Facebook: https://www.facebook.com/football.jai
廣告（請繼續閱讀本文）
Instagram: https://www.instagram.com/p/CkfcN9kyz3M/