《全民造星V》導師陳蕾出茅招搶人！陳子豐出文疑斥「好難睇」

《全民造星V》已播放近兩星期，除了參賽者的表演是節目焦點外，4位導師（陳健安、陳蕾、馮允謙、韋羅莎）在後台搶人的畫面亦非常具娛樂性。既然兩組導師要鬥快搶人，就當然不乏火藥味，當日以紅組的導師陳蕾最進取，更不時暗地出招騷擾藍組的馮允謙、韋羅莎。

昨晚（5月25日）《全民造星V》播出大熱參賽者KC表演，在後台的陳蕾走近直播電視，企圖遮擋韋羅莎視線，當兩盞藍燈亮起時，與陳蕾同組的陳健安率先撳燈，當時韋羅莎即時黑面，馮允謙更指住陳蕾大叫「奸茅」。

節目播畢後，ViuTV藝人陳子豐在IG限時動態發文，指有人在節目為搶人騷擾別人：「呢幾年，我一直都有聽妳的歌，會因為妳得獎而在心中暗暗高興。但……公平公正喺比賽中真係好重要，騷擾別人從而得到你想搶嘅人，玩一兩次可以，但次次有妳想要嘅人就咁做，就會變得好難睇。」

陳子豐續寫：「從來無懷疑妳嘅人格，但呢個show對妳嚟講都係一個真人show嚟架（㗎）……如果我係對面嘅人，我講左（咗）粗口行出間房好耐，佩服嗰兩位咁Nice嘅人。」有報導指此post於凌晨時分被刪除，但今早10時許又再出現，至中午時段再度消失。