終於搬完屋！有時間分享一下呀女房的設計🥰 由裝修嗰刻開始，jo媽就好緊張BB房的設計，想努力打造一個兒童學習天地俾呀女，很多媽媽都推介蒙特梭利教學法，研究後滿喜歡，就開始著手規劃設計！
佈置原則
佈置房間，重點係要井然有序、充滿趣味、鮮艷嘅顏色、乾淨整齊、有適當嘅活動空間。
房間選了幾款鮮艷的，地下舖滿軟墊，床底下係書櫃，旁邊在架子上整齊放滿玩具，地下也放少少大型玩具，目的係想呀b自己去探索，不要把玩具收入箱，也不需要主動給予她玩具，蒙特梭利的教學法相信不需要指導孩子，而是應該跟隨他們。
佈置好房間，緊係俾小jasmine 玩😂 之後就係要好好觀察，發現小jasmine喜歡坐在軟墊上，扶住書櫃站起來，特別偏好某幾格，自己拎喜歡的玩具出來玩😂 她很愛色彩繽紛的搭高玩具、lego，常常坐係到自己玩好耐😂 喜歡有聲音、音樂的玩具，自己搖搖shaker，有些按制就發出聲音佢會好開心🥰 好鐘意睇書，會自己拎揭，指住書中圖案好有興趣。
BB房玩具應該點擺？
觀察了一段時間，一開始呀b滿有興趣，拿自己喜歡的玩具玩好耐，但日子耐左就興趣缺缺，jo媽就發現兩個問題：
🌟呀b鐘意新鮮感😓所以思考了幾天，就試下將玩具三天換一次位置，剛玩過的玩具放比較高拿不到的位置，最常拿幾個格就換上新玩具，也不要每次俾好多玩具
🌟好鐘意撕書🙃所以下面最常玩格換上硬皮書、字卡
換過位置後，呀b真係又有番興趣😂另外我發現小朋友年紀大左，玩同一個玩具反應、玩法都會唔同，例如以前玩圈圈只會拎上手搖搖，而家已經一歲了，會自己拎起圈圈再放番入去，又會識圈上手，又會俾我，觀察她慢慢長大好感動🥰
總結
呀b係房玩左一個月了，而家會自覺爬去拎書自己睇，拎鐘意玩具自己坐低玩，高的玩具佢有時會指住要我拎落來，真的滿喜歡呢個設計，如果未著手佈置的媽媽可以參考一下🥰
延伸閱讀：
【全職媽媽】BB太黐身點算好？3樣物件讓媽媽可以抽身一會兒
【BB抗疫生活】無得上Playgroup做咩好？在家學行成長記錄
【如何培養孩子閱讀習慣？】5招培養BB/幼兒做閱讀「書蟲」