38歲王君馨宣佈佗女　兩個月後做媽媽：好期待

前無綫女藝人王君馨(Grace)和圈外老公結婚8年，上年年底已經宣佈懷孕，而近日更邀請好姊妹衛蘭、鍾舒漫、鍾舒祺出席Gender Reveal Party，宣布肚中的BB為女B，約兩個月後就會出世。

王君馨拍片宣佈女兒出生前，她都會休息養胎：「仲有差不多兩個月就做媽媽，有時會特別緊張之後的日子係點，呢10幾年好感恩有好多好珍惜和好愛嘅姊妹，覺得將來自己唔會一個人行，又有主陪我一齊行，好期待BB出世，嚟緊要好努力買晒BB需要嘅嘢同埋好好休息。」王君馨近年以獨立歌手「G. Racie」之名出道，有傳當年離巢無綫，是因為在《超能使者》海報中淪為「路人」不被重視，最後和TVB商討續約未有共識，在2021年離開。