33歲的蔡思貝（Sisley）2013年參選港姐得亞軍入行後，一直受TVB力捧，其後更奪視后寶座。不過入行以來演技被受批評，加上緋聞不斷，又爆「假學歷事件」，蔡思貝一直被負評。她近日拍攝無綫最新一輯《與天地對話》時，剖白入行以來的感受，更重提「食飯緋聞」，又自揭自己曾壓力爆煲，已一年無拍劇。
蔡思貝29歲已憑《踩過界II》中「趙正妹」一角成為視后，不過入行以來經常被負面新聞纏身，其中最爆的是指她介入王浩信及陳自瑤的婚姻，成為小三。蔡思貝在《與天地對話》時提到，加入娛樂圈之後，跟她想像的完全不同，「我以前細個睇嗰啲娛樂雜誌就覺得，咦，食餐飯啫，有咩所謂啫？咁咪食飯囉，點解要咁瑟瑟縮縮啫，即係呢啲無知嘅諗法，咁當自己喺嗰個位置嘅時候，以為食飯啫，唔係男就係女㗎喇，呢種思維原來喺呢個圈係唔可行嘅，最後帶來受傷害嘅係自己。」她更坦言自此對於建立人際關係感到恐懼，不懂如何去相處。
蔡思貝在節目中重提入行兩年便在劇集《衝線》擔正女主角，惟演出負評如潮，曾令她壓力爆煲出現幻覺幻聽。她又透露自己已有一整年時間沒有拍劇，「呢一年我冇休息過，希望喺各方面有進步，我好深信會有好正嘅角色等緊我。」
最尾一集，她提到從前的自己與現在心態不同，喊爆說道：「我明白你做好多嘢出嚟，唔知點解會畀人扭曲、誤會，但你都成日提自己，其實唔使驚，點解唔使驚，因為你好相信要明白你嘅，係同你志同道合嘅人。」
節目又找來蔡思貝的父母拍片，提到當蔡思貝13歲遠赴新西蘭升學，其實十分不捨得，家中不富裕，愧對女兒。看到女兒入行拍戲經常受傷，令他們心痛之餘，亦為她的成績感驕傲，令蔡思貝即時淚崩。
對於節目疑為蔡思貝「洗底」，網民似乎不太受落，留言寫道：「你食飯就食飯，點解要鍚人老公。」、「 做小三仲要講到自己有幾咁慘，仲要扮可憐。」亦有人指她未有交代當年的「假學歷事件」，感覺未夠真誠。
