【尖沙咀凱悅酒店咖啡廳】任食活龍蝦火焰鴨肝多士櫻花甜品超吸引

愛吃熱辣辣的鮮龍蝦、鴨肝及櫻花甜品嗎？來到尖沙咀凱悅酒店咖啡廳，品嘗自助晚餐，重點是可任食活龍蝦，仲有鐵板火焰鴨肝多士，單是這兩款已好吸引，還未計日式時令甜品，就是櫻花甜品呀！

最大亮點是可無限量，任食原隻波士頓活龍蝦，不過要排隊就真，每次都是等十分鐘左右，若夾到時間等5分鐘便可，不過到8點9咁上下，就不見人龍了，可任你拎慢慢吃。

龍蝦入口真是爽口又彈牙，好鮮甜。

廣告（請繼續閱讀本文）

必定有冰鎮海鮮，小龍蝦、長腳蟹、大蝦……等。

鮮蝦真是好鮮甜。

冷盤就有自製肝醬、巴馬火腿、各式凍肉、自家製三文魚及芝士。

廣告（請繼續閱讀本文）

鐵板燒專區就有清酒火焰竹荀，及招牌鐵板火焰鴨肝多士配杏脯，全部是即燒，雖然每次都夾唔到時間，睇唔到火焰鴨肝多士，但鴨肝入口即溶加埋有麵包伴底，感覺上一齊食無咁油膩，而火焰竹荀就幾爽口都清甜，但未感受到有火焰的焦香。

要食乳豬就要排隊，廚師即切。

每人兩件，皮脆肉嫩。

廣告（請繼續閱讀本文）

即烤區就掛了好吸睛的羊架、豬腩肉及菠蘿，即切即烤，香噴噴的好惹味。

廚師切好豬腩肉，再在烤爐上過一過火，皮好脆，肉仲好juicy；烤菠蘿真是超甜。

手釣原條黃鰭吞拿魚就有壽司、刺身及魚生飯。刺身中的帶子真的好鮮甜。

由於好少有黃鰭吞拿魚，就試了魚生飯，口感帶點酸；試了朋友那碗又無喎，可能是不同位置。

自選麵條、配料及湯底後，廚師即場為你炮製，除清湯外，仲有麻辣湯底，味道都香濃，不辣都幾滋味。

柚子汁昆布焗三文魚，魚香味都幾濃郁，加了柚子汁令三文魚更清新。

甜品凍櫃內就有好多款精緻的甜品。

一杯一杯的朱古力甜品，方便拎慢慢吃。

幾款用櫻花製成的甜品，分別是瑞士蛋糕卷，在忌廉內加入櫻花醬及日本白豆蓉，蛋糕卷的釉面上，加上鹽漬櫻花，又靚又好味。還有應該用日本白豆蓉及櫻花醬製成的羊羹，仲有脆餅配櫻花雪糕，口感好清新，個人覺得一定要試。

士多啤梨窩夫，香甜好味。

喜愛士多啤梨的我，又點會放過士多啤梨甜品，其中拿破崙好脆口又好味。

榴槤蛋糕濃香的榴槤味，口感也不錯。

一入門口就見到櫻花的裝飾，又是時候打卡了。

自助晚餐

星期一至五：晚上 6時至 10時

星期六、日及公眾假期：晚上 6時30分至10時

星期一至四成人 $668 / 小童 $334

星期五至日、公眾假期前夕及公眾假期成人 $728 / 小童 $364

凱悅酒店咖啡廳

地址：香港尖沙咀凱悅酒店大堂樓層

訂座電話： 3721 7700 或 https://bit.ly/3kMgN8L 預訂

查看更多 Wendysugar扮靚玩樂gogogo 的文章