日前，TVB三位唔同時期嘅花旦竟然同框出現，佢哋就係胡杏兒、陳慧珊同宣萱！不過，最令人期待嘅係原來三人今次同框係為新節目進行拍攝！
撰文：東方新地｜圖片：微博、電視截圖
宣萱 胡杏兒 陳慧珊合體拍新節目
話說近日胡杏兒喺個人社交網上載幾張喺英國旅行嘅相，不過重點唔係杏兒去咗旅行，而係相中竟然見到杏兒、陳慧珊及宣萱呢3位TVB唔同時期嘅花旦同框！杏兒更留言：「謝謝Flora帶我來到英國的利物浦來探索和發現，這裡是Penny Lane，如果喜歡披頭四的朋友應該很熟悉。這次和兩位我很尊敬的師姐們一起來到英國，我們都說下一次真的不知道是什麼時候呢，要好好珍惜！」
唔講唔知，雖然三人以前從寨試過一齊拍劇，不過原來三人私底下竟然都幾老友，見佢哋同遊期間影相留念時笑到見牙唔見眼就知啦！
雖然三人從未試過一齊拍劇，不過杏兒就曾經分別同兩位師姐合作過拍劇，例如同宣萱合作過《流金歲月》及《萬鳳之王》。
至於同陳慧珊則曾合作過《絕世好爸》及《衝上雲霄》，同樣係經典之作！
至於宣萱同陳慧珊就更加唔洗講，二人相識逾廿年，直頭就係好姊妹，所以唔少網民見到呢個「三人組合」都忍唔住話經典得嚟亦都好新鮮，同時表示好期特三人合作！
不過，相信大家都唔洗等好耐就可以見到佢哋三位嘅合作，皆因據知佢哋今次去英國除咗係遊玩，更係為陳慧珊喺香港開電視嘅新節目《放學後》進行拍攝，所以大家可以拭目以特！
即時回顧：
宣萱01年《尋秦記》後 再同古天樂合作
自2001年《尋秦記》後，古天樂跟宣萱都呢對銀幕情侶都一直未有合作，直至早前宣萱簽約同屬古仔的經理人公司，兩位終於可以再度埋位。近日佢哋主演嘅《犯罪現場》煞科，一班演員齊齊開香檳慶祝！
之後 二人再在劇集《寵物情緣》、《刑事偵緝檔案IV》再合作！
煞科當晚，一眾有份參演的演員如姜皓文、麥長青及陳國邦等都漏夜到現場開香檳湊熱鬧，支持導演及本土製作。監製爾冬陞更拿著酒杯，帶頭「吹喇叭」，跟大家飲勝！
當晚幾位有份煞青的老人家見到古仔、宣萱都非常興奮，連忙找導演幫忙揸機影靚相，古仔、宣萱這對活寶貝哄得老人家非常開心，合照、selfie 做到足！麥包也不放過機會，與幾位演員合照留念。
開香檳慶祝後，全組最後煞青的宣萱即埋位演出最後一場戲，向來酒量淺的Jessica「 酒後」開工，反而有意外驚喜，且笑說：「初初飲酒我都冇事，後來古仔走埋嚟再倒多大半杯比我，同我乾杯就出事啦，個人開始傻笑！點知反而拍出嚟效果好好，因為場戲講我視力有問題，飲咗酒對眼有啲focus唔到，完全有嗰個感覺，導演仲話早知我哋每次飲少少酒先拍啦！」
Jessica多年後再次與古仔合作，兩人默契依舊：「初初開工都有點擔心，古仔喺現場好認真，拍多兩日之後，發現古仔依然係古仔，有咩事都有傾有講，所以所有嘢都好舒服好順利！」
至於首次跟Jessica合作的導演馮志強拍完最後一場戲則說：「我喺TVB 三年都冇同Jessica合作過，今次終於有機會合作！」齊齊為香港電影並肩作戰。