36歲梁靖琪再婚　入紙嫁細8年小鮮肉

36歲藝人梁靖琪（Toby）同圈外男友Jonathan拍拖接近兩年發展姊弟戀，感情一直相當穩定。Toby同男友日前正式入紙排期，擬結婚通知書曝光！睇番資料，Jonathan中文名叫施雋賢，報稱職業係「Wealth Management Senior Manager（財富管理高級經理）」，而兩人年齡相差8年！另外，兩人報稱嘅住址唔一樣，睇嚟仲未同居！

梁靖琪喺2011年下嫁富二代黃敏豪，但呢段婚姻只維持咗年半，最後和平分手。之後，梁靖琪喺2018年被爆戀上Jonathan，而男方家底都相當唔錯，梁靖琪同佢興趣差唔多，所以非常啱Key，今次姊弟戀修收正果，真係可喜可賀！

Toby接受東網訪問，佢話：「我很感謝您們對我的關心，我和Jon的感情由相識到現在都很穩定，所以已於去年訂婚，並計劃今年內會註冊結婚，且由於Jon是圈外人希望以較低調形式進行。希望您們會給予我倆摯誠的祝福，多謝您們！」

東網網站 : https://on.cc/

東網Facebook專頁 : https://www.facebook.com/onccnews/