音樂劇《我們的青春日誌》公演第50場，多位藝人現身撐場，有關寶慧、鄭丹瑞、杜小喬、譚永浩、劉威煌等，導演陳恩碩完場時宣布加場至8月30日，總共60場，台前幕後即拍手歡呼！而身為創作顧問的鄭丹瑞亦有發言，他謂：「見到班年輕人真係好感動，雖然喺呢個細地方演出，但佢哋係做緊大事，香港好難得有班咁嘅人。」
廣告（請繼續閱讀本文）
曾有份演出刻劇的關寶慧事後受訪，她表示之前做「校長」一角：「今年冇演出，個期係問題，同埋我怕死，疫情之下唔夠膽，遇上社運又好麻煩，有Auntie買咗飛都睇唔到。」講到演出趣事，她指其中有一句歌詞是自稱60幾歲：「都過到心理關口嘅，我係專業嘅演員嚟，佢哋說服我，有啲60幾歲望落似40幾。」
關寶慧雖然沒有演出，但仍有做「金主」買飛入場支持：「真係好值得睇，次次睇到媽媽嗰Part就會喊，少有一個咁好嘅音樂劇，所有嘢都恰如其分！見到班年輕人做音樂劇有唔同感覺，只要有夢想，堅持就一定會做到，唔好理啲唔關自己嘅事，全程投入。」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/