人民力量前主席袁彌明(Erica)近日拉埋家姐袁彌望(Mimi)一齊拍短片，點知竟然畀家姐爆料，公開佢細個暗戀嘅對象，到底係邊個人咁神秘呢？
廣告（請繼續閱讀本文）
Mimi邊整頭髮邊話全家都好似樣，但媽媽先係靚嗰個，而Erica又最似媽媽，咁咪當然係最靚嗰個囉！Mimi讚完Erica天生靚啲後，就話細妹係貪靚嘅人，淨係睇佢點面對鏡頭就知。既然咁靚女，一定有好多男仔追啦！畀人問到細個邊個多人追啲、Erica係咪校花時，Mimi懶神秘話要鏡頭後先肯講喎。
點知鏡頭一轉，Mimi就爆出比校花更勁嘅料，就係Erica細個暗戀嘅男仔叫「俊興」，呢個俊興又係乜水呢？
Mimi話細個時《我係小忌廉》好流行，呢套卡通片有個男角叫俊興，而佢讀小六時帶咗一班同學仔返屋企玩，有個男同學幾靚仔，於是Erica當日就堅持呢個男仔係俊興，仲「俊興、俊興」咁叫佢添！Mimi仲話Erica到依家都仲好鍾意小忌廉㗎，睇嚟佢都好長情喎。
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/