【大醬園】 何廣沛拖到實拍出浴戲 朱晨麗：好有男士風度

朱晨麗（朱朱）主演劇集《大醬園》今晚（20日）播映，朱朱與緋聞男友何廣沛在劇中由冤家變成夫妻，當中還被安排一場瀑布出浴戲。劇情講朱朱在瀑布下的水潭洗澡，怎料被冤家何廣沛看了她的全相，而何就要對朱朱負責任，朱朱無可奈何下嫁對方，但相處久了漸漸被老公改變了自己的內心世界。

拍攝出浴戲，朱朱十分感激導演及工作人員，「我哋身後瀑布好靚，但水流好急，如果唔小心跣親或差錯腳就會好危險，導演同所有工作人員好有專業精神，為咗一個最靚鏡頭，完全不顧自身安全，好危險咁擒上擒落攞最靚角度。大家知道我唔識游水又唔識水性，特登請咗一位救生員，拍攝時候救生員一直拉着我，驚我跣一跣就會被水沖走，正式開拍時才鬆手。」

朱朱亦感謝何廣沛，「成個畫面好溫馨，我哋拍攝時需要鬧交，唔鍾意佢，但一停機佢即刻過嚟拖住我隻手，扶住我，好有男士風度，雖然拍嗰日係最凍，但感覺好溫暖，因為呢場戲係講沖涼，唔可以穿任何救生衣及救生用具，身上冇入何救生用品，」她指何廣沛和工作人員均很細心，一停機就拖緊她，怕她被水沖走。