無論覓食和購物，觀塘在我心目中都像一個向上發展的迷宮似的，觀塘人都慣了捐窿捐罅搵食。我沒有在觀塘工作過，有時都會來這區，有時都會迷路。踏入巨蟹月，第一餐生日飯就是來到觀塘辣蟹莊，好在酒家在地舖，雖然門口是要捐入工廈大堂，但不算難搵。這晚包括我在內共有三隻巨蟹一齊慶祝，巨蟹來到辣蟹莊，當然就食蟹囉。
作者: 飛叔
巨蟹座的人聽說有個像蟹殼般的保護殼，不理解的人會以為我們只是把自己收收埋埋在殼內，雖然巨蟹座通常偏向內歛，其實外人只是估中一半，典型的巨蟹座除了保護自己外，個殼還可以保護身邊人。所以如果你有朋友是巨蟹座，你就會好幸福的。
兜了個大圈讚完自己後，講講這餐生日宴!
這晚宴的朋友們原來恰巧都出過書的，我當然自認是後輩啦。能夠坐埋一枱，未必是痴痴呆呆，反而覺得是近朱者赤就真。
辣蟹莊是一間好地道又帶點傳統平民風格的店，前菜擺盤細心是值得一讚，三道前菜輕巧，但有齊香脆、軟滑和惹味的種種質感，像幫食客首先開啟了一道食慾之門。
未上炒蟹，先拆龍蝦。巨大的蝦殼只是佈置，蝦肉早已炒香了，鑊氣充足，又不失爽滑質地。
對於我這名自細吃慣傳統酒樓中菜的大叔，看見這種釀冬瓜是份外開心的，夏天吃這道菜亦有消暑作用，其實這道菜功夫好多的。
來晚宴之前，我剛剛去了兩個酒會才匆匆趕來，在下午喝了不少酒，來到晚上飲一客好足料又鮮味的海南椰子炖烏雞湯，霎時感到好溫暖，令頭腦清醒過來，之後就可以再飲多幾杯酒呢。
是晚主角當然是蟹，話明是辣蟹莊，唔洗講都知招牌菜是避風塘炒蟹。這店並不吝嗇蒜粒，份量好大，炒得十分香，但辣度只屬於中等，而隻蟹就像我們三位壽星一樣新鮮嫩口，蟹肉好鮮甜。
我們各人都帶了私家酒過來，有紅有白亦有日本酒，食蟹配白和日本酒都好夾，亦因為是炒蟹，那種濃味配紅酒都可以，足以証明巨蟹座跟大部份人都可以夾到的。
吃過濃味的蟹後，來一道不算太膩的鳳梨咕嚕肉，感覺幾清新。
有蟹有蝦外，海鮮類要有魚，我其實鍾意吃魚多過蝦蟹，吃魚之時席間朋友傾起香港社會往事，惹起無限感慨，幸好還有鮮魚食，暫時忘記現今社會發生的事。
掛住傾又掛住飲，差點忘記了拍照，這餐是開心生日飯嘛，唔緊要啦，雞肉又整得好入味喎。
吃到尾聲，估不到這客鮑魚脆米飯是另一個高潮，炒成香脆的米飯加入鮮甜的鮑汁，真的帶來驚喜，我就一粒都不剩地吃光，好滿足。
生日飯不一定食蛋糕的，來到中菜館就吃個壽包啦!
祝願我們三人都身體健康，事事順利!
感謝前輩朋友細心安排這次生日飯局!
在風兩飄搖的時刻，心情千萬不要被影響到，當你軟弱無力時，讓巨蟹座大叔給你一個抱抱!
辣蟹莊
地址: 觀塘開源道55號開聯中心A座地下6C-6D號舖
電話: 39967282 / 23416226
營業時間: 07:30 – 00:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung