《降魔的2.0》結局劇透！黃智雯馬明爆貫穿第三輯「靈魂人物」竟然係羅蘭！

《降魔的2.0》嚟到大結局，觀眾除了關心黃智雯演嘅芷若同馬明演的小馬能唔能夠一齊之外，黃智雯同馬明卻大潑家冷水，率先劇透「小馬芷若不能大團㘣」；與此同時海魔（譚凱琪飾）Big Boss身份終於揭曉，唔單止咁，原來終極神秘人物在大結局一集先出現，呢個角色係貫穿第三輯的﹗而這個角色原來係羅蘭姐（？！）⋯⋯

文：東方新地

黃智雯繼承神秘角色的天職

黃智雯和馬國明日前為《降魔的2.0》宣傳，不時被追問大結局，二人均表示結局會出人意表，對於今輯芷若擁有特殊能力，黃智雯話「喜歡劇中角色跟上輯有明顯變化及成長」，更爆出在結局一集將會出現一位神秘角色：「我幾鍾意芷若的成長，結局篇芷若同馬季去咗結界，去天宇嘅世界，到最後一集有一個好特別嘅嘉賓會出場，同我嘅關連好大，我好似做咗佢、承繼咗佢嘅職業嘅，同我有嗰種特異能力有關係﹗」

黃智雯爆小馬為海魔撇芷若

黃智雯同馬明又爆芷若同小馬係唔會大家所預期咁係埋一齊，馬明話：「小馬梗係想同芷若一齊啦，但監製硬係要留啲伏線﹗」黃智雯答：「我心死心都碎，係小馬唔揀我，佢唔愛我，嫌棄我﹗」有指小馬就是天宇（羅天宇飾）的轉世，所以同海魔糾纏不清，馬明話：「其實劇冇講得咁清楚，講到似層層咁，不過我都覺得係嘅﹗」黃智雯又話：「學監製咁講做降魔人注定冇幸福，冇好結果，因為選擇咗降魔呢路。」芷若為了小馬而接觸靈界，有了特異功能，但最後卻無法跟小馬在一起，不過馬明就話：「話唔定嘅﹗等《降魔的3.0》啦﹗」

降魔人不能跟魔共存

《降魔的2.0》上回講到，馬季、偉豪重回結界與海魔決一死戰，可惜雙方實力懸殊，風獅爺及時出現挑戰海魔，並命馬季營救芷若。偉豪被魔操控，欲攻擊馬季……大頭性情大變，獨自載走龍貓仔。及後龍貓仔失蹤，幸好勞斯趕及制止人世間的混亂。晶晶終從勞斯、鐵文口中，得悉馬季與偉豪之間的秘密。靈魔大戰，風獅爺元氣大傷，他作出最後打算。此時，馬季爆發驚人靈力，抗衡海魔。

第二十五集(大結局) 小馬吸收海魔靈力 難逃宿命收伏豪仔！

一晚，晶晶與馬季忽然變作陌路人。勞斯、鐵文為了抑制偉豪的魔性，將他囚禁在實驗室……迷失的馬季判若兩人，偉豪暗自擔心，於是偷偷探望晶晶，欲喚起母親和馬季之間的親情。另邊廂，勞斯引馬季到偉豪出事的水塘，偉豪出現質問馬季，馬季憶起與海魔大戰的經歷。當日，馬季難逃魔音作祟，更為他帶來不可預知的後果。偉豪盡最後努力喚醒馬季的人性；同時，馬季終要面對降伏偉豪的抉擇……

相關文章：《降魔的3.0》宣布開拍！2.0結局劇情重點、未完結伏線整合