【搵食CONY】冰室都食到梳乎厘班戟　酒店大廚坐鎮推親民西餐

近年有不少人將傳統冰室改頭換面，由最初只提供簡單茶點麵食，到慢慢引入茶記式小炒，甚至有人將Café元素加入，豐富大家對冰室的想像。近日港島人氣冰室「蘇杭冰室」於旺角開設的新店，便首推親民價西餐，提供扒類、意粉，連近年流行的梳乎厘班戟都有得食。餐廳也如Café般採用北歐式設計，希望做到「茶記價錢，西餐廳質素」。至於實際質素如何，就等CONY帶大家直擊！

旺角新店佔地3,000呎，以北歐簡約設計配上明亮色調和燈光，並以多盆植物和純白燈飾點綴。雖說裝潢似café，但亦設有冰室必備的打卡位，空間感也相當充足。而全新推出的西餐系列更找來曾於五星酒店工作、擁有30年經驗的大廚主理，並非一般茶記的港式西餐，由主菜、甜品一應俱全。

明火炭烤扒類

西餐招牌菜式包括「炭烤阿根廷穀飼肉眼牛扒」，以明火炭烤能鎖住肉汁，不用額外加牛油也能製作出香噴噴的牛扒，食落也不會過份油膩。至於意粉方面都是較大路的款式，餐廳指意粉由意大利進口，因此口感彈牙，特別掛汁。

梳乎厘班戟

相比主菜，CONY其實更期待甜品。這裡有火焰雪山、法式焦糖燉蛋和梳乎厘班戟等選擇，價錢由$68起。班戟的口味也有多款選擇，包括原味、士多啤梨、藍莓、朱古力及抹茶。班戟以日本雞蛋及法國麵粉製成，口感鬆軟而不失口感，蛋香適中，而每款伴隨的醬汁也是自家製，不會太過甜膩。餐廳又新推一系列養生水果茶，其中燕麥奶茶又健康又IGable。

招牌煲仔麵、芝士撈麵

除了西餐系列，餐廳繼續供應多款原有的招牌菜式，例如自家製「麻辣肉丁煲仔麵」，以傳統瓦煲盛載，配上秘製麻辣醬料和肉丁，惹味過癮。不得不提的還有採用3種芝士製成的「芝士汁撈公仔麵」，芝士汁質感濃稠適中。不會「一餅嘢」，而且食落充滿奶滑鹹香。此外，餐廳又推出全新「鰻魚炒蛋飯」，以原條日式鰻魚奉上，配以港式炒蛋，為無飯不歡的人而設。

新店限時優惠

總括而言，新店的西餐質素未至於驚艷，但質素不俗，款式大眾化，無論你趕時間想食個港式快餐，定還是想和朋友聚一聚慢慢嘆西餐，抑或是男女朋友一個想食撈丁，一個想食意粉都能滿足到願望。最後溫韾提示，新店於即日至8月31日推出「1+1」限時優惠，凡惠顧任何扒類即送自選水果特飲一款（價值$32至$38），在炎炎夏日正好有消暑作用！

蘇杭冰室（旺角店）
地址：旺角豉油街60-104B號鴻都大廈地下9-10號舖
營業時間：星期一至日早上7時至晚上10時
電話：2885 5108 / 9543 8804