謝偉俊：政府執行上太左、「有啲係過咗位」

【獨媒報導】謝偉俊在上周四（6日）立法會三讀討論《2023年區議會（修訂）條例草案》時，自稱為「紅隊隊員」，望當局仍按《基本法》以民主化為目標，謝偉俊周四（7月13日）出席民主黨前立法會議員劉慧卿節目時指，現時政府執行上「偏得太左、乜都國安法」，現時「有啲係過咗位」，又自言自己仍在「捉摸緊條線點劃」。

謝偉俊在節目中，指自稱「紅隊」的意思為「有唔同意見、講啲唔係大家講嘅野」的人。劉慧卿聞言大笑說：「咁就紅隊隊員？咁我哋係咪黑隊」。謝偉俊表示，現時政府在執行上「偏得太左、乜都國安法」，認為香港屬寬鬆社會。目前為過渡期，毋須過度緊張。他同意現時「有啲係過咗位」，自言自己仍在「捉摸緊條線點劃」。

謝偉俊又直言，現時立法會議員在議會內較少獨立性，「政府合作多咗，但政府主導角色又多得滯，好多時議員都係要同佢哋配合返，變咗佢哋就覺得投票無乜野就應該跟大隊支持政府。」

謝偉俊：立法會無晒火花會悶啲

立法會內會副主席馬逢國周三（7月12日）主持會議時瞓着，劉慧卿問謝現時立法會是否很悶。自言「有興趣但唔係最想做主席」的謝偉俊坦言，現時立法會較昔日有所不同，「你（劉慧卿）又唔喺到，無晒啲火花，有時真係會悶啲」，又暗指現時議會內較少辯論。劉慧卿問到馬逢國有否就事件道歉，謝指未收到。

不點名批評林鄭月娥無團隊精神

行政長官李家超去年七一上任，至今已一年。謝偉俊讚揚李家超在團隊精神上表現良好，「政府嚟講個面貌轉咗」，稱對方不如前任特首林鄭月娥「藝高人膽大」、「好打得」，經常「自己做自己野」。他指李家超上任後「每一個禮拜有新野出嚟」，舉例指立法會本周三讀通過《2023年刑事訴訟程序（修訂）條例草案》及《2022年發展（城市規劃、土地及工程）（雜項修訂）條例草案》。

《獨媒》及後問到謝偉俊認為李家超過去一年有何處不足，他指李家超用字「親切有餘、唔夠政治人」，認為對方其經常創造新中文字，「雖然國內佢哋……內地啦，好興用咩又打又搶，搶人才嗰啲，呢啲都唔係香港以往慣咗比較優雅啲嘅文化」， 認為李家超在用字上應要「有香港自己style」。

鼓勵民主黨參選 安全地為市民服務

本身為灣仔區議員的謝偉俊，被問到會否參選年底「完善」後的區議會選舉，謝偉俊指仍未決定，但明言不會參與直選，稱要「俾啲後生嘅闖下世界」。他又鼓勵民主黨參選，「任何情況下都盡量做到多啲參與，即使困難情況都好」，又稱現時「有啲線可以小心睇睇」，安全地為市民服務。不過謝偉俊提醒民主黨不要期望能獨立自主，「無權力咁大，要聽指令性多啲」，改制後的區議會「政制嘅野無得做」。

兩人亦談到《港區國安法》，劉慧卿指不少被告還未受審便已還柙，變相「未審先判」。謝偉俊指，在《國安法》實施前，除了涉及兇殺案、被告有前科等風險因素外，法庭傾向容許被告保釋，惟「國安法喺呢方面比較硬淨好多」。近日天氣炎熱，謝偉俊同意監獄內開冷氣屬人道問題，承諾稍後會向有關當局反映意見。