吳若希兩度離家出走燒老公前度頸巾 呼籲單身者：結完婚唔會有愛

吳若希（Jinny）與丈夫何兆鴻（Alex）結婚接近6年，經常被指「港女」上身在網上公審老公，最近她接受蝦頭（楊詩敏）和連詩雅主持的網台節目《絲打圍爐》時，就剖白婚後生活轉變、與老公的相處之道，以及不為人知的趣事！

Jinny當年在事業不錯的時候，決定與澳門闊少何兆鴻（Alex）結婚，兩人一度分手，但分手一個月後隨即復合，並於2017年正式結婚，目前育有一仔一女！「佢追求我嘅時候，覺得我演藝事業行得很順利，可以行得更加遠，喺我事業最好嘅時候選擇結婚生小朋友，我知道佢一路擺喺個心裏面，希望老婆可以再做好啲，為咗屋企，所以放棄咗自己嘅事業。」

結婚六年，Jinnty大讚老公私底下十分體貼，又會諒解她的工作疲累，「我唔出聲，佢就唔會打攪我！」但Jinny表示自己曾經兩度離家出走。「通常佢單向被鬧多啲，我好鍾意離家出走，通常就抱住個女就走。千祈唔好畀佢知你走，當你一聲不響嘅時候，嗰陣先真係嬲，因為通常好瑣碎嘅都會鬧，通常鬧完就冇事，大件事嘅情況都係直接走！我諗我個女出世到今，我離家出走咗兩次左右。」

Jinny毫不掩飾地在節目中表現惡妻的一面， 直言十分不滿老公經常打機，每每令她大發雷霆：「嗰陣時我掟爛晒啲電腦，同埋我燒咗佢前度送佢嘅頸巾。」她表示燒頸巾的原因是，當老公打機的時候，她發現了這條頸巾的存在。「佢冇承認過同我講有呢一位前度，又係死口唔認，所以我就放火燒咗佢條頸巾。」

被指是「世界級港女」，Jinny笑言老公其實是「博鬧」。「我老公好鍾意畀我鬧，佢有陣時係冇嘢搵嘢嚟做，鬼鬼祟崇故意走過來，博鬧兩句就走返出去。」Jinny奉勸未結婚的朋友千萬不要亂結婚。「如果係為咗有小朋友而組織家庭嘅係可以結婚，但如果純粹為咗結婚，我愛你好想同你結婚，就唔好啦！因為結完婚唔會有愛。」她又認為，所謂的愛，目前可能已昇華到另外一個階段。