廣告（請繼續閱讀本文）
Twins昨晚舉行尾場紅館演唱會，蔡卓妍（阿Sa）、鍾欣潼（阿嬌）騷後受訪。阿Sa表示騷前不少人質疑她們能否應付14場，她也一度懷疑自己，現在完成所有場次，開心原來她們「都仲得喎」。阿Sa說︰「我擔心聲線，因為我之前傷咗聲帶，以前發聲嘅位置已經廢咗。今次開騷，令我搵到一個比較好嘅發聲位置。」
阿嬌表演側手翻時曾意外失手跌倒，Twins第9場取消了側手翻表演。阿嬌解釋︰「我當日食咗感冒藥，雙手冇力。我依家食嘢都冇力，覺得身體入面好亂，亂到去唔到廁所，所以要放假休養。」
廣告（請繼續閱讀本文）
阿Sa稱目前感情生活空白，但初戀男友及去年分手的前度石恆聰也有捧場。阿嬌自言亦沒有新戀情，她被問到內地同性好友皇甫聖華於首晚低調捧場時，強調兩人只是朋友。阿嬌說︰「係朋友﹗唔可以有朋友嘅咩？（佢咀你？）唔係喇，係朋友。要唔要特別澄清？唔使，好多朋友都有嚟﹗」
（即時娛樂）