賀歲盃球星教波被投訴？　將軍澳居民解釋：聲浪大到LP6都聽到

17位國際級昔日名將，明日（13日）將在大球場與香港明星隊進行表演賽。而今日（12日）多位球星分別到將軍澳足球中心及傑志足球學校，指導小球員球技。然而期間網傳有鄰近的居民因為嘈音問題投訴及報警，惹起網民的質疑。不過在報道後，有將軍澳網民就抱不平，指控大會聲浪是真的過大，騷擾到鄰近居民。

多位昔日球壇名將在今早到將軍澳足球中心，指導小球員。期間引起了鄰近日出康城的居民不滿，有關消息傳出後，網民普遍在批評香港人輕易就投訴，就連大球星都「冇面畀」，還笑說真的難怪大球星都不想來。

然而消息流出不久，有將軍澳居民就在網上反駁：「佢地（哋）俾人投訴唔係因為純踢波練習，而係SET左（咗）音響，主持人勁HIGH，個聲浪大到連LP6都聽到。即係等於將南海邊，傳到去將軍澳站咁既（嘅）距離，所以更莫講最近果D（啲）人有咩感受，先有人投訴佢地（哋）叫佢地（哋）細聲」他又指「個EVENT 200人都冇，我理解到點解有人會投訴既（嘅）所以」

不過，包括李華度（Rivaldo）等人在傑志足球中心的活動，就沒有遇上類似情況。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)