【暗黑料理】阿媽煮飯創意無限 屋企唔夠米貪就手用1樣嘢撈飯 阿女食完中晒伏 暗黑料理陸續有嚟！

俗語有云「在家千日好」，小朋友一日三餐都留家進食的話，肯定能節省不少支出，於是很多父母都願意為子女走入廚房，炮製幾味。不過，不是每名父母都是廚神，有時候煮得太有「創意」，也不知道食不食好。有名女學生就有這個煩惱，源自阿媽不同的自創菜式，令人不知好嬲定好笑。

Photo from MamiDaily

屋企唔夠米唯有出呢招

該名女學生在網上社交平台投稿時沒有透露年紀，只是說自己阿媽是一個相當有創意的人，每晚食飯時，都會看到檯上放著一些特別的自創菜式。她印象最深刻是麥皮撈飯，原來某天阿媽煮飯時發現家中的米好像不夠全家食，於是便撈了一些麥皮，並言「諗住煮完之後應該都無咩問題」，結果成品四不像，女學生回憶說食飯時食到「中晒伏」，成碗「飯」腍晒好像食粥，而且還有少少怪味，結果阿媽好驚訝說：「原來你哋食得出㗎？」

食一餐還不夠，原來那次阿媽不小心煮太多，結果多了兩大碗要放入雪櫃翌日再食。女學生後來問了身邊朋友，他們屋企都無試過麥皮撈飯，還非常驚訝她屋企這樣吃東西，也令女學生非常驚訝阿媽的創意。

Photo from MamiDaily

全部餸都係花膠味

但麥皮撈飯還不是最伏，女學生說她曾食過用花膠海參汁撈任何東西。事緣做冬時家中會煮花膠海參，結果食剩一些汁和少量花膠，於是阿媽就直接拿去和雞一齊煮。雖然不明白阿媽為何這樣做，隻味本身都正正常常，故沒有特別想，結果第二日就出現了花膠海參汁撈豬肉，女學生就開始覺得有問題，之後一個星期在沒有花膠和海參的情況下，食任何餸都會食到同一味道，因為阿媽將全部餸都浸曬入花膠海參汁內。

Photo from MamiDaily

餐廳菜多數都無洗？

不過女學生都知道阿媽煮飯辛苦，又說阿媽煮飯好睇心情，提了一次半次後雖不會再有同樣的伏食，但就有另一樣同性質的伏食2.0。但講到自己煮飯，女學生言阿媽會過度保護，好驚她寧願買飯也不會回家食飯，感覺好想煮飯給她食。女學生在文末提到，阿媽從事飲食業，成日話出面餸落太多味精，然後煮菜前又不洗，連阿媽都話自己工作的地方都不洗菜，但女學生則說「我都有諗緊其實係咪因為佢哋舖頭自己唔洗菜，所以佢先至覺得出面啲舖頭全部都無洗菜」。

Photo from MamiDaily

網友：睇得出阿媽好錫你

網友看了女學生的帖文，紛紛分享他們見識過的黑暗料理，例如蓮藕木耳腐乳炒飯、燒賣薯粉、芝士腸煲湯、糖醋豬肉蒸蛋、潺菜忌廉湯等。也有說「我老豆嘅創意料理真係贏佢十條街」、「除咗麥皮撈飯 爭啲以為你嗰個係我阿媽」、「笑死，好有創意，雖然我一啲都唔想試」、「睇完即刻對自己阿媽感到崇拜」，也有人說麥皮撈飯其實好普通。不過有人說「開始睇覺得啲餸好難頂，後來發覺你媽咪係幾可愛嘅」，又說阿媽可能沒甚麼煮餸天份，但睇得出好錫她。

Photo from MamiDaily

Text：Mami Editorial

Source：schools.secrets

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】