替不少圈中人化妝，更是汪明荃、炎明熹御用的化妝師Stephen Lau，早前在IG出帖怒轟被人「放飛機」而失三客，更公開對話截圖。Stephen Lau表示屬入行近廿年首次，亦都表示要重新考慮收訂金。
廣告（請繼續閱讀本文）
被稱為「化妝界胡歌」的靚仔星級化妝師Stephen Lau，曾在無綫電視台任職多年，不少圈中人如葉德嫻、關菊英、鄭嘉穎、米雪、謝雪心、陳芷菁、秦海璐、蔡思貝、苟芸慧、陳敏之、王君韾、田蕊妮、胡杏兒都找過他化妝。而近日他就因有客人失約而損失了三個客人：「入行都將近廿年！第一次俾人放飛機！要問吓自己點解咁蠢，係咪仲覺得每個人都係好人呢！？今日原定排好總共4檀嘢，銅鑼灣>尖沙咀>中環>尖沙咀>銅鑼灣(就係呢吓為咗呢個飛機客仆返嚟）再去九龍灣先收工返銅鑼灣！另外今晚VOGUE Event 有三個客原本就係想book我飛機客嗰段時間，我全部都要推，做唔到！」對話截圖中更爆出該客人當晚會到深灣遊艇會吃飯：「呀呢位素未謀面嘅IG飛機客，將心比己，你會有咩感覺？不過多謝你！因為你放嘅飛機，令我可以去到朋友麵包店嘅開張！亦多謝你令一向冇收deposit(除咗婚禮）習慣嘅我，重新審視！希望你今晚喺深灣遊艇會嘅Annual Dinner玩得開心！」
廣告（請繼續閱讀本文）
廣告（請繼續閱讀本文）
JS 呢啲咁冇素質嘅PK客你唔做冇損失，社會上依家有大量呢啲自稱係名緩嘅低等動物出現，如果唔係熟客，我建議你真係要考慮收deposit, 喂，大家都唔識嘅，未合作過，佢一句話cancelled, 仲要last minutes, 你話幾無奈！
2024年11月30日08:01
rita1234 經一事、長一智，吸取教訓係好事嚟嘅，下次收咗訂金先做嘢囉！
2024年12月01日07:13
reLax♀♂DonTdo_it Gay
Definitely
2024年12月02日02:33
TTY 不明白為何英文唔好仲要用英文覆，is it confirm
, can do the makeup 🫢教材級示範
2024年12月05日04:01
E E 我唔明囉！點會唔收訂按金去推左其他客？我哋普通小市民，去買嘢，訂貨或淘寶，都要先比錢或落訂。
2024年11月30日09:03
顯示全部