香港美食｜米芝蓮手工薄餅店進駐灣仔
Pizza控注意！入選米芝蓮必比登推介的人氣薄餅店 Little Napoli 最近由跑馬地搬到灣仔，自2021年開業以來，這間主打正宗拿坡里手工薄餅的 薄餅店已經非常受歡迎，而新店不但有更大的室內用餐空間，仲有推出多款新品。新推出的 Wallet Pizza 系列絕對不可以錯過，除了經典的Margherita，仲有兩款新口味，包括Contadina 和 Zingara，餡料豐富， 加入冷切火腿等餡料，如巴馬火腿、傳統義式火腿等等。除此之外，Pizza Fritta 炸意式餡餅系列都有新成員登場，分別餡料包羅萬有的 Completa，和主打海鮮餡料的 Dondiego，無論做宵夜還是外賣小食，都係一流之選，快啲約埋朋友一齊去灣仔新店開心Share啦。
▲ 錢包薄餅 (Wallet Pizza)：Contadina（$208）內有鹹香的傳統意式火腿、阿傑羅拉水牛芝士和火箭菜等餡料，仲有黑松露碎的點綴，令味道更有層次感；Zingara（$208）餡料有巴馬火腿、聖馬札諾車厘茄和水牛芝士，再加上車厘茄，令口感更清爽。
▲ 炸餡薄餅 (Pizza Fritta)： Completa（$188）採用比較香甜的聖馬札諾香濃黃番茄醬，配上Fuscella 乳清芝士、煙熏水牛芝士和羅馬羊奶芝士，再加上新鮮羅勒和黑椒 ，味道清新又帶微辣； Dondiego（$208）內有阿傑羅拉水牛芝士、羅馬羊奶芝士、切塔拉鯷魚、加埃塔橄欖、 葡萄乾和烏魚子，每一啖都超豐富！
▲ Bowl Platter：Polpo alla Luciana（$128） 配有多汁八爪魚和櫻桃番茄醬的特式小菜；Tartar di Tonno Bufala e Limone（$128）新鮮金槍魚塔塔配上水牛芝士和清新的檸檬，口感豐富又清爽。
▲ 傳統薄餅有多款口味，包括Luciana（$228）、Donnarita（$218）、Norma（$228）和 Montana（$228）等等，每款亦是以 400 度高溫的拿坡里進口石窯烤製出外脆內軟、餡料豐富的手工薄餅。
▲ 新店沿用開揚的開放式廚房，牆身鋪上招牌的藍白圖案陶磚、擺放由拿坡里運來，比之前更大型和更好的石窯爐。用餐區設有吧檯和雙人桌，店主更特意從意大利訂製具有懷舊風格的地磚，營造意大利南部的小店氛圍。
Little Napoli
地址：香港灣仔大王東街 6-16 號
營業時間：星期一休息、星期二 (18:00 – 22:00)、 星期三至星期日及公眾假期(12:00 – 15:00、18:00 – 22:00)
文字：香港人遊香港