無綫藝人林正峰和游嘉欣緋聞傳了多時，雖然2人否認戀情，但由於經常孖住上，故被外界公認是一對，今天（4日）有報道指林正峰背住游嘉欣，跟無綫女藝人劉溫馨搭上，2人被拍到約會，慶祝男方28歲生日。
據報道稱林正峰見到劉溫馨時，即除下自己外套讓女方披上，細心體貼，他們還一起吃生日蛋糕，狀甚甜蜜；報道亦指劉溫馨買男裝貼身衣物，送給林正峰做生日禮物。
林正峰回覆《明報》時否認搭上劉溫馨，並再次重申自己單身。
廣告（請繼續閱讀本文）
「1.我生日的時候對方提出約食生日飯，雖然平時甚少傾偈，但因為係曾經合作過嘅前輩，諗住都只係聚一聚所以就去食，食完飯之後，我哋都無同大家有任何聯絡，所以對今次呢件事都百思不得其解。
2.我要重申我無收過對方任何禮物，對方著得靚因為對方剛完成記招，外套也是對方自己的。
3.我要為到受影響的好兄弟游嘉欣致歉，佢成日比人擺咗上枱。
廣告（請繼續閱讀本文）
4.我真係單身，現在無意亦不會想發展任何戀情，只想寄情工作，亦學懂世途險惡，以後會更加小心。」
（即時娛樂）