泳兒再獲五台冠軍歌 「冇諗過上半生會有第二首」

泳兒（Vincy）推出的歌曲《早上37.2度》獲得五台冠軍，包括香港電台中文歌曲龍虎榜、商業電台叱咤903專業推介、新城勁爆本地榜、ViuTV Chill Club推介榜及TVB勁歌金榜，是繼《溝渠暢泳》後，第二首「五台冠軍歌」。

泳兒憑《早上37.2度》和《溝渠暢泳》奪得兩首「五台冠軍歌」，是繼鄭欣宜憑《@princejoyce》、《先哭為敬》曾兩度奪得「五台冠軍歌」後，第二位獲得兩首「五台冠軍歌」的女歌手。

對於再有歌曲成為「五台冠軍」，Vincy坦言感動亦喜出望外：「呢隻歌係我新嘅音樂企劃第一首主打，將暗黑嘅一個元素隱藏咗喺裏面，係一隻比較溫暖少少嘅歌。呢隻歌可以得到大家嘅支持，非常之感恩。」

泳兒笑言沒想過過了「上半生」，亦可擁有第二首「五台冠軍歌」：「呢個禮物係大家俾我嘅，令到我繼續努力再繼續行。只要唔放棄嘅話，就會搵到自己條路。」

泳兒透露今個星期將會推出全新歌曲：「新歌風格同《早上37.2度》好有分別，準備咗好耐，因為有舞蹈嘅元素，希望大家會鍾意。」