重遊舊地驚現有heart台式手搖茶飲x小食店

話說我婆婆以前係住鯉魚門🐋，自從佢不在人世之後我都已經好耐冇去過油塘💜，仲記得以前連大本營都未有嘅時候我只能夠喺嗰啲市政大樓度玩波波池🛝今日見有啲時間我就諗住重遊舊地行吓睇吓有啲咩新變化😚誰不知原來已經開咗咁多小食店😱行下行下見到呢間舖竟然有好多懷舊食品，一定要買黎回憶一翻，兼且仲有kobe特色飲品🤭、「我口飲我諗」🙈

-我口飲我諗 $24（桂花烏龍+荔枝醬+棉花糖）
雖然我自己覺得呢個配搭真係好奇怪，但係好開心可以將我自己鍾意飲嘅嘢加晒落去🤣店員同我講最奇怪又最好味嘅竟然係綠茶加朱古力，希望下一次我會鼓起勇氣去試吓呢個味道！店員已經同我講過話所有味道佢哋自己都試過所以一定冇伏😆
講返我自己呢杯先，留意開我嘅人都應該會知道關於有花嘅嘢我就鍾意，所以桂花烏龍喺呢個餐牌上面一定走唔甩。桂花嘅芬芳融入烏龍茶醇爽，仲有甜甜嘅荔枝味，攪勻之後荔枝味比較清甜，加埋棉花糖簡直就係甜上加甜，我冇諗過拎到返屋企啲棉花糖仲未溶哂👍🏻呢杯係我自己揀嘅材料果然真係好啱我心意。

-鳳梨沙冰 $40
我懷疑呢間店舖就係為我而設，個餐牌竟然有咁多我鍾意嘅嘢，玫瑰xxx、荔枝xxx，最重點嘅係比我見到鳳梨沙冰！我阿媽雖然已經禁止左我喺屋企食，但係佢冇禁止我喺街度食，當我糾結之際比店員發現咗佢即刻同我講呢一款係期間限定過咗就冇㗎啦🥹當然一定要嗌黎飲啦！老闆仲同我講佢哋嘅鳳梨即日新鮮打汁，果然寧舍不同🤙🏻酸酸甜甜好解渴得黎又好開胃👅

-特濃香芋鮮奶 $28
成杯野紫色好夢幻呀，職員同我講如果要打卡一定要喺幾秒之內完成，因為佢哋顏色會有變的😮我梗係快手啲影張相啦，佢哋仲話俾我知原來等啲冰融左之後香芋嘅味道會更加濃郁㗎！所以唯有等到佢啲冰融晒我先捨得飲，果然真係冇令我失望呀吓。佢哋嘅牛奶同埋香芋配合埋一齊之後香好味更加突出，有得揀全糖或者半糖咁就唔會覺得太甜，飲一杯嘅話會令到飽腹感重，因為當中仲有芋泥💋

-KB824 $40
之前已經見到有其他foodie介紹呢款飲品，心諗點解呢杯嘢可以咁大杯😂聽講呢杯野係特登整嚟俾做運動嘅朋友們㗎，一嚟呢杯嘢係紀念Kobe Bryant，二來係夠晒大杯做完運動飲一杯超級爽呀！細心啲留意佢哋呢杯飲品嘅顏色都係用咗黃色同紫色，希望佢會知道大家一直都掛住佢，呢杯飲品勁似青檸梳打，佢係店舖王牌中嘅王牌果然係有原因的❤️

-腐竹蛋薏米糖水🥚 $12
聽到勁多街坊問佢哋今日有冇腐竹蛋糖水，見佢哋整返唔係好多，我都要一碗試下😍唔知大家知唔知道腐竹蛋薏米糖水係好養顏嘅食品嚟，基本上係人人都啱食嘅，因為佢唔會話係一啲好寒涼或者好濕熱嘅食品😉所以大家有陣時好想食糖水嘅時候都不妨可以嘗試吓腐竹蛋哦🥚，呢度同出邊嘅有好大分別就係平時食開嗰啲會比較稀，味道比較淡，但係呢度好香腐竹同埋雞蛋味😚薏米軟硬敵中

-燒賣🌕 $10/5粒
自從大個咗之後我就已經好少食魚蛋同埋燒賣，不過今次係老闆推薦我，佢話呢個燒賣佢真係搵咗好多間供應商先搵到嘅🤫果然真係好似以前喺小賣部買到嘅燒賣咁，煙煙韌韌之餘仲好彈牙😎就算點唔點豉油都覺得佢好好味😜

-肚臍餅🌈 $20
我記得以前成日都會叫媽咪買，衰到淨係想食上面嗰個尖尖🤣，當然到而家我都淨係想食上面啦😂。呢一個啱晒我平時等客到/休息嘅時間食👅唔知大家知唔知道肚臍餅上面顏色係代表咩味道呢？

-辣蝦子春卷🦐
$40呢個係佢哋靚女店員介紹我㗎😝初頭我係揀咗其他㗎🤫但係實際上我試吓呢個蝦子春卷佢話好多人買㗎，跟住佢話辣嘅好味啲，我試完一舊之後愛上了，即刻要返包😍又辣又脆口，食食下，成包已經冇晒🤭

想話比大家知，呢間店舖好有熱誠，不斷求變，改進👍🏻希望佢哋喺來年可以開多幾間分店係各區唔同嘅地方~

📍Lara Lara - 油塘高超道38號大本營地下G42號舖Zone L
📸 @gladysfoodie

✨Follow @foodtag.hk 一Tag在手即可搵到心水餐廳美食❤️