胡楓（修哥）今日出席於油麻地天主教小學舉行的『港澳獅子服務月《長幼共融 耆樂無窮》』啟動禮擔任愛心大使，現場接待700多位長者到場參予活動。現場老友記見到修哥出現非常雀躍，不斷搵修哥合照。修哥親切跟老友記合照及握手，並唱兩首歌。唱《友誼之光》時，修哥叫台下老友記一齊郁動當做運動。修哥搞笑說：「拍手掌、 有福享。」台下老友記齊拍手掌。他亦開心說：「 我一見到老友記開心我就開心，所以幾乎每有這類活動我都逢請必到。」
活動主題是《長幼共融 耆樂無窮》，修哥想起4個曾孫：「佢哋係我心肝寶貝，一見到就好興奮，不斷講I Love You，我真係好感恩有佢哋幾個，一個星期我會見佢哋一次。真係樂無窮。」修哥有活力老人之稱，經常四圍去，他日前剛從泰國旅遊返港，旅程玩得好開心，每一日以食為主，享受很多美食。修哥表示要保持活力就要有健康，有些人會很活躍，有些人會收埋自己，他當然是活躍派，所以一定要識得保持身體健康。問修哥是否有計劃再開演唱會，想再破紀錄？他說：「一切都未知，係有機會再開，因為開演唱會係好開心，希望一直破紀錄就最好。」至於拍劇，修哥指無綫因為不想他捱夜，暫時未有安排劇集拍攝。
廣告（請繼續閱讀本文）
（即時娛樂）