吳若希16歲細佬入行！擁1米8身高兼單眼皮勁似韓仔 簽約做周柏豪師弟

吳若希（Jinny）自從開設Youtube頻道後，不時都會拉埋屋企人上鏡拍片，除了「常客」老公外，其16歲親弟吳梓楓（Carson）亦曾經作客，而擁有1米8完美身高、白雪雪皮膚，加上單眼皮的Carson更被網民大讚靚仔又得意，勁得一班姐姐粉絲歡心。

最近有指原來今年升讀中六準備考DSE的Carson，早就已經偷偷加入娛樂圈，簽約經理人公司種星堂做周柏豪同連詩雅師弟，今年6月他更現身連詩雅的生日會為師姐慶祝。據知Carson近日更兼職做模特兒搵取外快供自己讀書，日前他更公開開工相，透露自己會孖住同門師姐黎紀君演出香港開電視節目《開間咖啡店2》。