F奶台灣正妹姚采辰急脫單　揀男友6大條件曝光

台灣最近好興街頭配對遊戲，幫一眾男女脫單，日前該節目的主持人就喺台灣東區野生捕獲F奶正妹姚采辰，佢來頭唔惹少，社交網擁有近70萬粉絲，不時上載比堅尼相，係好多宅男夢想嘅女神，不過奇怪仍然係單身，所以佢都大方接受今次配對挑戰！

佢向主持人開出擇偶條件，就係要「孝順、負責任、溫柔且脾氣好，外表偏好陽光且高挑嘅男生」點知事隔2個月，主持人就搵到身高188CM，美國混血型男Sean同姚采辰配對，男方隨即使出一招溝女絕招——壁咚對視，愛火即時點燃，互相抱抱同翹手，最後一齊去打邊爐，令戀愛感覺更加升溫！

而配對影片曝光後，網絡掀起好多討論，姚采辰都將影片截圖放上自己社交網，佢留言話：「我自己在家很尷尬的看完影片，還是覺得很好笑，雖然常上節目，但這種配對倒是第一次。」至於與Sean有冇後續？她神秘咁話：「不告訴你們，我交男友那天，你們一定會知道的謝謝，晚安啦！」

東網網站 : https://on.cc/

東網Facebook專頁 : https://www.facebook.com/onccnews/