譚凱琪晒水着滲少女味　網民激讚同20年前一樣

藝人譚凱琪(Zoie)自從2020年與拍拖8年的圈外男友莊日宇結婚後，二人同年誕下囡囡Gabri，Zoie成為幸福少奶奶後，生活美滿，但她仍有拍劇過戲癮，於近日播映完的《異空感應》中，挑戰飾演硬朗角色，當中更有不少打鬥動作戲，大呼過癮。而她亦有與好姊妹龔嘉欣齊齊搞服裝品牌生意，雖然忙碌，但向來顧及家庭的她，日前就跟家人一起到泰國旅行，Zoie更於社交網PO出水著照，戴上太陽眼鏡及Cap帽，多年來都擁有「童顏」及美好身段的她，如少女般躺在大水泡上，一臉閒適，網民讚她跟多年前一樣咁索，好姊妹龔嘉欣亦羨慕留言：「下次可以帶埋我做保母」，Zoie回覆：「你請假！行啦！出發」

Zoie接受東網訪問時開心謂：「係呀！我哋一家人去咗泰國，因為有啲長輩同行，唔想去啲太凍嘅地方，今次主要想全家人一齊開心去個trip，應該之後農曆年會再去多次旅行，會去落雪嘅地方，因為阿囡想睇雪呀！」

東網網站 : https://on.cc/東網Facebook專頁 : https://www.facebook.com/onccnews/