許廷鏗（Alfred）日前舉辦新歌試聽會及簽名會，由中午2點簽到晚上9九時，Fans沿途各站上車見偶像，Alfred簽名簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾偈，我同歌迷之間似朋友多啲，呢日都會以親民為主。」
廣告（請繼續閱讀本文）
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，最想自己嘅音樂去到唔同嘅地方。」呢日雖然舉行「簽名會」，但中途發生「蝦碌」情况：「我本來準備咗十幾支簽名筆，不過呢一刻應該仲喺我張牀，簽名會唔記得帶筆真係黐咗線，好彩我有個美麗嘅Fans借支筆比我，應該都頂到兩站嘅，不過都叫同事幫手撲筆。」
許廷鏗笑言自己與Fans沒距離，還表示自己不時「周圍去」，希望與大家貼近：「希望用自己嘅影響力比其他人聽到，好多時作品源自Fans嘅DM，成為創作養分，而出碟係因為自己『老餅』、『老派』，想要有實物喺手，我都當唱片係自己卡片，不過張卡片嘅製作費好貴，只要有人買同想我簽名，所以都會製作。」
（即時娛樂）
廣告（請繼續閱讀本文）