由由姜皓文、宣萱、張慧儀、ERROR四子等演出的ViuTV新劇《極度俏郎君》今晚（4月17日）播出第一集，劇集講述一名過氣江湖大佬重回正軌做好人的故事。
廣告（請繼續閱讀本文）
首集故事講到，一疤（姜皓文 飾），一個二十年前曾叱吒黑道的「金家」金牌打手。經過監獄洗禮，今日終於出獄。監獄外，當今最大社團「冧巴」話事人七姐（張慧儀 飾）帶同得力助手MBA（周祉君 飾）突然出現，迎接一疤出獄。除七姐外，同場還有「金家」二當家大肥之子細肥（梁業 飾）、Thinking（何啟華 飾）、姑爺（郭嘉駿 飾）、古龍（吳保錡 飾）－自稱 「四大金光」。最終七姐成功接走一疤，當今最大社團話事人加上金牌打手，江湖又會否再掀起一場大風暴？
姜皓文、宣萱及張慧儀三人私下早已相識多年，但原來今次才是首次正式合作拍電視劇。宣萱大爆ERROR是她接拍的其中一個原因，「因為睇佢哋節目覺得好有活力、好開心，帶都好多歡樂俾大家。希望可以俾到啲新嘅嘢出嚟，同佢哋合作都有少少驚自己招架不住㗎，因為佢哋轉數快，我忍笑能力又低。」
廣告（請繼續閱讀本文）
姜皓文亦指對住ERROR「獲益良多」，從中學識年青人的諗法：「同佢哋合作開心都嚟唔切啦！我唔使教佢哋，淨係睇住佢哋就學到嘢！」
廣告（請繼續閱讀本文）
今次亦是ERROR四子首度合體拍劇：「其實我哋從來冇一齊拍劇㗎，之前雖然試過同劇但其實冇同場遇到過，淨係一齊做過次電影茄喱啡咋，所以今次都好新鮮！」Dee就笑指大家決定「做自己」：「我發現只要專心做翻自己、Keep住咁嘈，咁其他人就唔會理我哋，所以為免影響其他人，我哋要繼續嘈！」
