早前有研究指出人體含微塑膠，歐洲議會近日通過建議，歐盟成員國將會禁止使用即棄塑膠產品。
早前有研究指人類進食嘅海鮮、塑膠包裝食品同樽裝水，可能已導致身體每年攝取高達1.1萬塊塑膠，微膠粒遍布人類生活各個細節，容易吸收入人體，微塑膠進入人體後更可入淋巴、血管。
廣告（請繼續閱讀本文）
微塑膠來自唔同嘅污染源頭，令人難以防備，所以最好嘅解決方法就係喺日常生活中盡量減小使用塑膠產品同進食包裝食品。
廣告（請繼續閱讀本文）
而歐洲議會近日就以571票贊成、53票反對，大比數通過建議，將禁止歐盟成員國使用包括飲筒、棉花棒在內嘅即棄塑膠產品。
廣告（請繼續閱讀本文）
該建議提出2021年前，歐盟成員國將要禁止10種可以代替嘅即棄塑膠產品，當中包括人類常用嘅飲筒同棉花棒。到2025年前，各國嘅膠樽回收率需提高至九成，同時膠樽製造商要分擔番廢物管理成本。
通過建議後，歐盟委員會就會同各成員國研究正式立法，達到喺2021年前禁用即棄塑膠產品嘅目標。
希望立法之後真係做到源頭減廢喇！唔知香港幾時都立法禁用即棄塑膠產品呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）