大台綠葉夫妻楊證樺同沈可欣2015年結婚，二人一直恩愛，並育有一子。今年6月，43歲沈可欣宣佈陀第二胎，今日阿Man喺Facebook分享喜訊，宣布細仔喺12月10號已經出世啦！恭喜哂呀！
撰文：SundayKiss、東方新地 圖片：沈可欣、楊證樺Facebook
楊證樺細仔出世
廣告（請繼續閱讀本文）
楊證樺、沈可欣選擇喺公立醫院生BB，佢哋特別出POST鳴謝醫護人員照顧，阿Man細仔重3.27KG，都算係大碼BB，佢又透露有全程陪產同親手剪臍帶，問到會唔會追多個囡囡，佢話未必會，因為怕太太陀B辛苦，而且見到太太生B好痛佢都好心痛，所以暫時兩個都夠晒數。佢又話細仔中文名已經有心水，但未正式改，遲啲至公布BB中文名！
沈可欣開始坐月同湊細仔了，楊證樺話已經準備咗一份禮物，會代表細佬送畀哥哥，佢話大仔都好期待細佬返屋企！
廣告（請繼續閱讀本文）
睇返啲相，大仔同細仔都係喺QE出世㗎！唔知大家覺得兩兄弟似唔似樣呢？
廣告（請繼續閱讀本文）