新冠肺炎疫情嚴重，唔少官員出席立法會會議都有各自特別嘅防疫大法，早幾日政制及內地事務局副局長陳帥夫畀人發現開會前，用消毒濕紙巾仔細清潔座位上支咪，做足防護措施。而今日(20日)勞工及福利局副局長徐英偉(Caspar)喺準備財務委員會會議時，就見到佢戴住一個與別不同嘅口罩！
Caspar解釋話，呢個係重用口罩嚟㗎，因為眼見依家一罩難求，於是索性就戴可重用口罩咁話，仲話用緊嗰個戴咗一個月左右，聽到嚇一嚇，不過Caspar話晚晚都會返去清洗乾淨㗎！但由於係重用口罩，所以佢都買咗塊夏天用嘅冰巾隔住。
廣告（請繼續閱讀本文）
至於究竟點樣清潔個口罩？佢就話特登買咗個人哋用嚟消毒奶樽嘅機嚟洗，一洗完就會拎個口罩去消毒喎。唔單止佢用㗎，連佢老婆、阿仔都有用，仲話懲教署工業組(CSI)生產嘅口罩自己就冇用到喇，要留番畀同事用喎。
東網網站 : https://on.cc/
東網Facebook專頁 : https://www.facebook.com/onccnews/
廣告（請繼續閱讀本文）