現正熱播嘅TVB重頭劇《飛虎之雷霆極戰》擺明係男人劇,睇班男人鬥型鬥
chok,大家投入𥄫仔睇「四大男神」苗僑偉、黃宗澤、吳卓羲同馬國明之餘,其實佢哋身邊嘅女伴配搭都幾吸引,苟芸慧、張㬢雯、余香凝、蔡潔等新鮮感十足!不過當中其實埋沒咗一位份量十足嘅女角,就係同三哥苗僑偉有感情線嘅蒙嘉慧!
撰文、圖片:東方新地
蒙嘉慧電影圈出身拍劇套套擔正
蒙嘉慧除咗係鄭伊健嘅老婆之外,其實佢當年先被杜琪峯賞識帶入電影圈,並簽約成為旗下藝人,拍過多部大片如《暗戰》、《非常突然》、《真心英雄》及《甜言蜜語》等均獲好評。之後跳入電視圈差不多套套擔正,同佢配得上搭檔嘅男角好似林峯、鄭嘉穎、陳豪、方中信、郭晉安個個都有番咁上下,淨係睇佢當年出席過往無綫台慶嘅排位,永遠企第一排同當家花旦黎姿、佘詩曼、郭可盈、蔡少芬、胡杏兒等人睇齊,連鍾嘉欣、楊怡、徐子珊、陳法拉等都要靠邊站,就知佢唔嘢少,完全穩坐一線花旦地位!
46歲開始發福網民:開始走樣
喺無綫一拍就14年,直到同鄭伊健結婚後至慢慢淡出影視圈,今次《飛虎》係佢離開TVB後嘅「出山之作」,理應大鑼大鼓成為焦點,可惜今次戲份唔多,加上角色平淡冇得發揮,更被網友指佢走樣,搞到46歲要配上大15年嘅三哥,又被踩飾演林嘉華個女,但狀態不如林嘉華咁fit,同林嘉華似情侶多過似父女咁話,陰功豬豬!
13年1月同鄭伊健日本低調結婚後,蒙嘉慧便減產養尊處優,近年身形更不斷膨脹,高峰期重達130磅!
行山鍛鍊
滑雪打羽毛球連環跌傷的蒙嘉慧,傷完左腳再傷右 腳,足足治療兩年先康復,因腳傷做唔到劇烈運 動,YoYo一有時間就會到林姍姍老公Michael的健身室 做簡單運動,或者撐住行山棒去行山藉機活動一下!
幸福人妻
婚後有老公錫,蒙嘉慧亦放慢工作步伐,減產做全職家庭主婦專心照顧老公,幸福人妻生活寫意!
約滿無綫後,蒙嘉慧14年曾簽約香港電視一年,不過王維基最終不獲發牌開唔成台, YoYo 近年只間中出吓活動及幫港台拍劇輕鬆過戲癮。
幸福少奶奶生活日常離不開行街high tea,大忙人老公要開 工,YoYo就high tea享受生活。
蒙嘉慧同老公伊健無論性格同 喜好都非常夾,兩人同樣熱愛 日本,每年例必到當地朝聖幾 次,早前同伊健到日本仲一齊 行山,享受另類浪漫,YoYo更 拍下老公行山背影!
久未拍TVB劇的蒙嘉慧,早喺2013年出席活動時身形明顯暴脹,被人誤會同老公鄭伊健造人成功,但原來只係因為去旅行食多咗,當時Yoyo仲口口聲聲話會減肥!點知事隔一排,日前再出活動的Yoyo竟然比之前再肥咗一圈,體重高達130磅!她說:「連續幾晚同伊健一齊食一個月餅,一定好肥,加上又去咗英國旅行,所以就變成咁!」Yoyo仲自爆老公伊健嫌棄佢肥:「佢同你哋係咁講(鍾意我肥),返到去咪一樣話我肥!」
嗰排Yoyo每次出活動都係一次肥過一次,今年5月着工人褲白tee現身,被人狂笑似大肚婆,當時Yoyo誓言要努力減肥,之後俾老公笑佢得把口,仲話會送健身器材俾老婆做生日禮物!
其實睇番Yoyo以前真係好瘦,面尖尖手腳又幼,同伊健結婚時更加係索到爆!不過肥即係代表Yoyo生活美滿唔使愁,少少幸福肥都冇所謂啦!
蒙嘉慧當家花旦
現年45歲的蒙嘉慧,1994年起已經開始拍電影,有著清秀可人的外表及高佻修長,大導演杜琪峯當年都對Yoyo甚為欣賞。2000年加入TVB後,佢演出唔少膾炙人口的劇集,一直穩坐無綫當家花旦之位,至2013年方離巢。
嫁伊健做幸福人妻
蒙嘉慧與鄭伊健因打羽毛球結緣,拍拖約七年後,2013年時與伊健在東京拉埋天窗,婚後Yoyo逐漸淡出幕前,專心做個幸福人妻,享受家庭生活!
蒙嘉慧近年已甚少會在公開場合亮相,不過睇番啲相其實佢都算keep得幾好,天生麗質、加上養尊處優確係寧舍不同~
Sam🎈 小編你洗唔洗每張圖都重複一次佢走樣 殘過三哥😂😂😂
2020年06月04日07:27
YWSi(MR) 筆者係咪同蒙嘉慧有仇?
2020年06月04日07:27
CY@👨🍳or👨🏻💻 前幾日見佢真人仲好索喎😒
殘,應該係筆者眼殘😂😂😂
2020年06月04日07:35
チェリー🍒 幸福肥啫,無講到走哂樣咁誇囉
2020年06月04日07:49
King— 廢文 鄭伊健大把啦 仲有佢自己之前都搵唔少 人哋兩公婆鍾意做運動唔係大洗果種 夠晒用啦 洗鬼搏咩
2020年06月04日07:54
顯示全部