【廚房清潔】唔少人都好怕做廚房清潔，因為污跡特別難清除。早前日本電視節目《KinKi Kidsのブンブブーン》，找來了家務達人，去教堂本剛、堂本光一及嘉賓長瀨智也3個獨居中佬一些廚房清潔用品及秘訣，樣樣都好實用！
撰文：主場・日本 | 圖片來源：《KinKi Kidsのブンブブーン》電視截圖
1.萬能去污清潔膏：「ハイホーム」Hihome
原材料主要是天然的石鹼及珪華石（湯之花），非常有效去除不同地方的污跡，如煮食用具的燒焦跡、鏡、浴缸、餐具等等。
Hihome有點似黏土，入面有粒子很細的研磨劑。
例如，廚房星盆的油跡及水跡。用法非常簡單，戴著膠手套，拿出一點，直接在星盆上擦。
之後用清水沖洗即可！
可以於日本Amazon、Tokyu Hands等地方買到。
2.清潔茶跡咖啡跡：鹽+保鮮紙
雖然市面上有好多清潔劑可以去除茶跡及咖啡跡，但買到成屋都係一支支的清潔劑，見到都煩！原來，有個好簡單的方法，可以有效洗走茶跡及咖啡跡……
材料就只係普通的保鮮紙加上食鹽。
首先，將一塊保鮮紙隨便摺成一小塊。
加一點點水，及一點食鹽，像百潔布般擦杯。
轉眼間，污跡就會消失，再用清水洗一下便可以用！
3.唔怕洗衫時甩色：Colour & Dirt Collector
應該人人都試過被阿媽或工人洗衫，明明係白色，變咗其他色，喊都冇用！有咗呢張「紙」，真係天下無敵，以後都唔使用手洗白色衫！
呢張紙，係放入去洗衣機同啲衫一齊洗，作用唔係防止彩色的衫甩色，而係吸收晒啲甩咗嘅色，唔會染落白色衫上面！係咪好勁呢？
係咪信唔過呢？（光一都唔信！）所以，節目預備好做個小測試。
Step 1：準備兩杯加咗色素的水，代替從衣物甩出來的顏色。
Step 2：將一塊Colour & Dirt Collector及一塊白色恤衫布放入去其中一杯色素水入面。
Step 3：另一杯色素水則只放白色恤衫布。
Step 4：不停攪動，模仿洗衣機內的狀態。
Step 5：1分鐘之後，將恤衫布拿出來。
結果一目了然！右邊的是放了Colour & Dirt Collector，左邊的是沒有放。
再看看Colour & Dirt Collector，完完全全變了紅色！
右邊放了Colour & Dirt Collector的那杯水變了透明，左邊，當然仍是紅色！
3人都覺得好厲害！長瀨智也表示超級想要！