【好奶奶】疫情下賀新抱牛一   薛家燕精心策劃外賣火鍋生日P

薛家燕唔止係個好前輩，仲係一個好奶奶，所謂「好仔不如好新抱」，前年升呢做奶奶嘅薛家燕錫到新抱陳素怡（Zoe）燶，入門時已送上豪宅、家傳之寶及大量金器，羨慕死一眾新抱呀！Zoe都好識做，疫情下會親自煲愛心靚湯畀家燕姐補身，兩婆媳向來都相處融洽。
 
噚日係嘅Zoe生日，因限聚令未能出外慶祝，但薛家燕就喺屋企精心策劃咗個小型生日派對，除咗佈置現場外，仲外賣火鍋，餐枱放滿和牛等美食，而在短片中薛家燕逐一介紹食材，更跟Zoe來個愛的抱抱，兒子石耀庭、幼女石耀珠都在場拍爛手掌，獨大女珊珊身在美國工作未返。Zoe開心到豎晒手指公，喺疫情下，睇嚟身形豐滿咗，好有少婦相。
 
家燕姐留言：「今天是媳婦Zoe生日，因為疫情關係，得到好友林柏希的特別安排送上外賣火鍋，又方便又美味，大家都有一個溫馨和開心的晚上。」網友大讚薛家燕係最佳奶奶典範。