在疫情之後，香港好多餐廳都被迫變成「一人前」，香港人實在慣咗餐廳有隔板，現時很多食肆仍堅持唔拆板，或者並非食肆唔想拆，而是食客們慣咗自己食飯，如冇遮冇掩就好似冇著衫出街般，周身唔自在。
「一人前」食店相信不少人會想起「一蘭」，拉麵確實很適合獨個兒唔見人去吃的，烏冬其實都可以，銅鑼灣就有間「一人前」烏冬店，名叫「SOLO UDON」，個名已經擺到明Solo，對毒L一族是個喜訊。
我有時都幾毒，一個人不知幾自在，不過如果遇上啱傾的朋友，也不介意一齊吃飯。
「SOLO UDON」每個位之間都有塊隔板，兩個人來到，用最安好的距離，不會容易越界。
如果不想面壁，可以坐窗口位望下街景。
除了座位設計外，這店的點餐都全部自助，在門口點餐後，拿著收據上的QR Code掃到自己座位上，店員自動送食物上來，如果一個人來到，基本上可以全程不說話，真係幾毒。
這店的主菜就是烏冬 (或稱烏龍麵)，選擇都不少，有吉列蝦天婦羅、吉列豬扒、雞白湯叉燒、泡菜、咖哩湯等。
見到「蝦濃湯吉列蝦烏龍麵」就立即下定主意，就揀這款，有分兩個size，M和L之中就點了L (大碗) 。
大size真的超大碗，直情大過我個頭。
先飲一口湯，的確非常之濃，很充足鮮甜的蝦湯，菜單上寫「HOT辛」，其實辣度只是BB級，純粹當是調味作用，個人覺得可以辣多些少會更好。
吉列蝦有成個手掌咁長，炸粉偏薄身，炸得還算幾香脆。
麵條也頗掛汁，在煙韌之中增添了蝦湯的鮮甜。
還點了一份小吃「櫻花蝦芫茜餅天婦羅」 ($48)，芫茜份量充足，十分鬆化，芫茜黨成員可以一試。
濃郁的蝦湯配返較清新的「SOLO TEA 玉山烏龍冷泡茶」 ($25)就剛好平衡了口腔的濃度。
罐裝牛乳蛋糕 (草莓、抹茶) ($48/罐)
我大鄉里未見過罐裝乳蛋糕，就試下，罐裝牛乳蛋糕就真的像飲品般揭開蓋，然後用叉𢳂起去吃，幾有趣。
草莓、抹茶兩款之中，打卡而言可能前者較搶眼球，但我就較喜愛抹茶蛋糕的味道和質感。
「SOLO UDON」勝在食物大份，環境和點餐都方便一人，加上位置在銅鑼灣，如果唔太想見人，這店確實是一個不錯的選擇。
SOLO UDON ソロうどん
地址:銅鑼灣登龍街18號V Point地下3號舖
電話: 67905970
營業時間:12:00 – 22:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
