廣告（請繼續閱讀本文）
廣告（請繼續閱讀本文）
男團MIRROR尋日（4日）氣勢攻佔《叱咤頒獎禮》記者會，其主力成員姜濤粉絲更喺活動前半個月就已經到現場霸位，綜觀「姜糖」（姜濤粉絲暱稱）人數最多兼遍布各處，確係厲害。不過尋日活動，姜濤本人竟然「鬧雙胞」，現場忽然出現一位同姜濤外形、打扮極為相似嘅歌手現身，佢更同MIRROR另一位成員Frankie影大合照，入場時更被誤認做姜濤！
原來該男子為新進歌手陳駿軒，見佢以杏啡色「闊袍大袖」加大褸現身，咁啱MIRROR尋日套「隊衫」又係同一色系，加埋佢陳駿軒同姜濤以相近髮型現身，所以一度被誤認為係姜濤。有網民留言指見到「姜濤」出場後，表示姜濤「瘦咗好多」，完全唔知對方其實係陳駿軒。
廣告（請繼續閱讀本文）
其實陳駿軒音樂造詣猛料，佢係英國皇家音樂學院一級榮譽碩士，主修大提琴，亦係一位大提琴演奏家。同時佢有做張敬軒、陳健安演唱會和音，最近終於solo成為歌手，有乒角逐今年樂壇新人獎。
東網網站 : https://on.cc/東網Facebook專頁 : https://www.facebook.com/onccnews/
Andy 肥姜啲粉半個月前就已經到現場霸位？一係有病，一係收錢
4小時前
N 玩咩😂位新歌手著到咁，你點會睇到佢「瘦左」呀？闊袍大袖喎！根本完全遮晒身材！無可能會有「有人以為姜濤瘦左」嘅觀感！
唔知位新歌手幾歲，但個樣就老過姜濤一截⋯好似皺皮咁⋯
5小時前
🙂 會站立的豬😳
2小時前
蘭 短䄂衫唔見得人？個個都著到咁厚，真係冬天要著咩？
4小時前
顯示全部