廣告（請繼續閱讀本文）
出身富裕家庭的王賢誌突然申請破產，更傳出欠債高達300多萬，曾被他聲稱暗戀的藝人吳家樂，昨晚（16日）主持網台節目時談及此事，直指：「我覺得呢單新聞出得遲」，他大爆與對方有共同好友群組，早在疫情後已聽聞王賢誌欠下街數：「我一睇到呢單新聞嘅時候，我冇愕然，我知道幾年前佢爸爸已經唔再幫佢找數。」更續指估計對方欠債不止3、400萬：「我諗起碼兩年前都知佢有好多街數，所以依家要入稟破產，一定唔係300萬咁細嘅數目，大家睇到呢單新聞，經濟亦都真係差，希望佢盡快過咗呢個寒冬。」
廣告（請繼續閱讀本文）
而講到2人緋聞關係，他就直言覺得對方擺自己上枱做新聞宣傳，並再三撇清關係，強調只是認識20多年的同事。
東網網站 : https://on.cc/東網Facebook專頁 : https://www.facebook.com/onccnews/