譚小環老公茶餐廳欠租5個月　「1蚊都冇欠員工同供應商」

譚小環與老公蔡強榮於2020年初在九龍灣開設茶餐廳「大渣哥」，曾一度大排長龍，但近年生意一落千丈。「大渣哥」在社交媒體發文，承認自去年10月至今年2月，已欠租130萬港元，連同每月3萬多管理費，合共150萬元，餐廳門口更被業主貼欠租告示，將入稟申請封舖。

蔡強榮向傳媒表示，沒有欠員工及供應商錢。「大渣哥」的社交平台帖文寫道：「其實生意差咗都年幾兩年，尤其係通關之後，不過唔想影響到班員工同埋供應商，所以一路都默默撐得幾耐得幾耐。」、「員工要養家，供應商都一樣面對困難，所以我哋選擇員工同供應商優先，一路以嚟直至今天，1蚊都冇欠過佢哋。」

「渣哥」透露，其實「交得返哂啲租就冇事，業主亦冇權封舖。又若然到時真係撐唔住，天下無不散之筵席，大渣哥茶記唯有提早結業，完成歷史任務。」

「渣哥」表示：「大細渣哥創立於2014及2019年，正正經歷當年兩件波瀾壯闊之社會事件，置身當中親歷其境，如今回望，仍然無怨無悔 。渣哥大渣哥，多年以來經歷幾許風風雨雨，走過高山低谷，一直秉持積極態度，樂觀面對。難關難過關關過，我哋會加油。感謝大家嘅關心與祝福，渣哥渣嫂無言感激！」。

毛記葵涌（1716）於2018年底斥資近250萬元購入「渣哥一九九六」49%股權，，並於2019年11月投資150萬元成立「大渣哥」，持股同樣是49%。渣哥於2022年擬向毛記購回股份，雙方對購回股份的作價有嚴重分歧，渣哥曾出post大呻對開價感震驚。