😛真係好耐冇去過葵廣啦！喺疫情嘅尾段，原來除咗有好多小店結業，亦都有唔少新店嘅進駐😚今次連續兩篇想同大家介紹吓葵廣兩間新小食店。第一間想同大家介紹嘅就係 葵廣1樓嘅澳洲仔，專食Tacos同埋雞肉卷！✨
廣告（請繼續閱讀本文）
🌮芝士軟皮+脆皮 墨西哥 牛肉Tacos 配 千島醬 $38
廣告（請繼續閱讀本文）
呢一款有兩層皮🤤，出邊係芝士皮，入邊就係脆皮，所以口感好豐富但同時就好夾。芝士軟皮芝士味唔算好濃，脆皮就鹹鹹地咁。入邊嘅餡料都好豐富，下面仲有椰菜絲上面就有滿滿嘅牛肉碎粒，再加上千島醬，真係好惹味😍牛肉有好少好少既辣味～
廣告（請繼續閱讀本文）
🌮脆皮 蝦 Taco 配微辣醬 $34
呢款嘅皮出面係脆皮😍，就算擺咗一陣，啲皮都keep到係脆卜卜。呢一款我揀咗配微辣醬，結果比想像中好，口感唔錯，再配上微辣醬，小小嘅辣味，都真係幾好味。配上微講，就算食晒成舊都唔會膩。呢一款口感都係好豐富，食到外皮嘅脆度，仲有蔬菜嘅爽脆，仲有蝦嘅彈牙，真係好滿足😚🌸
🥙肉醬 x 牛油果醬 粟米片 $40
呢款小食就啱晒配啤酒一齊食，我就揀咗肉醬同牛油果醬混合，牛油果醬除咗某部份好creamy，仲保留左某部份嘅口感。食落都好新鮮。肉醬唔會話好好鹹，仲有少少芝士喺上面。
粟米片好脆，份量多好多，本身已經有鹹度，個人認為如果鹹度可以低啲就完美啦，不過送酒就真係一流！😛
👍🏻平時葵廣啲小食食到厭，都可以選擇呢一間， Tacos好味得黎又比較健康，卡路里比其他小食為低，想掃街又唔想咁重負擔就可以揀呢間啦～✨
📍澳洲仔 (葵芳)
葵芳葵富路7號葵涌廣場1樓B01A號舖
▼ Follow we2log