車Cam直擊｜兩的士司機爭路終攬炒　網民：好睇過F1

香港人工作繁忙，真是「秒秒都係錢」，有時為了爭路，可能會寸步不讓。今日(25日)網上瘋傳一段車Cam片段，可見兩輛市區的士在單行線爭路，雙方都各不相讓，最終兩部的士由於貼得太近發生擦撞停下，惹來網民叫好及留言。

齊上齊落叮噹馬頭

這段全長25秒的車Cam片段，發生在牛頭角地鐵站對開的紅綠燈位置。兩輛的士在單行線上互相爭路，各不讓步，齊上齊落，叮噹馬頭，總之不讓對方爬頭。結果兩車發生了擦撞，其中靠近行人路的的士右側倒後鏡因此受損，鏡面扭曲變形。事故過後，兩輛的士停在馬路上。整個過程被前車的後鏡頭拍攝下來。

片段引起網民叫好及熱議，大部分意見都認為兩輛的士互相鬥爭和傷害，兩司機的駕駛態度均有問題：「根是同根生，相煎何太急」、「DC9鬥DC9」、「好睇過F1」、「真係精彩」、「鬥咩鬥？扣埋做賴尿牛丸呀笨」、「又係打和，Super」、「最後2個都輸，車房勝」、「兩條友都白癡㗎」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)