1.身型相當有彈性嘅Mirror 姜濤 ，連日喺IG post超級自信相，包括早前澳州團綜同大表哥Stanley 搭直升機嘅「終極黑圖」，仲豁出去連post 5張，caption key「巔峰肥」、「偶包」、「早就沒了」 、「想通了」。
2.日前漏夜佢已經突然轉IG頭像，仲係用連登巴打之前幫佢P嘅「肥姜」圖，配埋「够姜」二字，擺明車馬自嘲。睇嚟佢都已經走出陰影，回復自信。
廣告（請繼續閱讀本文）
3.姜濤post完黑圖，一眾巴打即刻討論區留言問「點部署」、「真係夠姜」、「幾好呀今次，識自嘲顯得eq高」 云云，當然都有巴打話佢扮唔嬲實質為人氣，但佢都一於少理，連post黑圖證自己EQ高。
4.高峰期傳體重達200磅嘅姜濤，喺澳門演唱會雖然同隊友相比都係少肥，但見佢比之前都瘦咗一個碼，有網民笑佢已經「解除不瘦降 」，平日出入只穿長袖，但IG都罕有post喺後台展示麒麟臂J圖，又自拍表演完啲汗滴到落塊V面嘅片，姜糖都流晒口水。
5.上星期嘅《CHILL CLUB 推介榜年度推介23/24》，雖然姜濤不敵教主AnsonLo，拎唔到年度男歌手，但佢表演《Dummy 》，表現從容，似乎已經衝破咗盡力掃掃掃 嘅心理關口，邊唱邊跳無難度。網民都讚佢台上表現淡定，「咁多人裡面最穩定」。
廣告（請繼續閱讀本文）
6.3個月前姜濤仲頻頻缺席公開場合，又秘密搬竇，當時盛傳佢因為被批身材而情緒大受影響。今次減肥（暫時）成功嘅姜濤，靚仔咗自信心都爆棚，識講笑自嘲又話諗通晒，以後唔使靠作品說話，用身型說話仲直接呀！
▼Follow 娛頭
Facebook: https://www.facebook.com/profile.php?id=61554772610166