MIRROR成員Edan（呂爵安）說就算工作幾忙，返到屋企都會花不少時間上網和玩手機：「拍嘢休息時，我會玩手機。放工返到屋企，就算好攰，都要打鋪機先去瞓。」
問佢打機最怕乜？係咪機迷一樣最怕網絡出現「Lag、窒、斷」，Edan說如果打機遇上斷線就絕對不能接受，因為斷線就Game Over，「斷線就前功盡廢，等於玩完輸晒，就會令人好躁同好嬲。Download或更新遊戲，花3、4粒鐘同3、4分鐘比較，當然愈快愈好。」
廣告（請繼續閱讀本文）
廣告（請繼續閱讀本文）
廣告（請繼續閱讀本文）
除了上網打機，Edan也愛更新社交網，除向「爵屎」分享最新動態，又會開live傾偈，「爵屎」的瘋狂讚美，不會令Edan飄飄然自戀，「我班爵屎好sweet。」他堅持要謙虛：「我唔會覺得自己好掂，比較喜歡聽到睇到其他人對我嘅客觀感覺，尤其係爵屎同我講佢哋啲朋友睇過我嘅作品後，開始對我產生好感。」
潮流興AI人工智能，Edan近日推出由黃偉文（Wyman）為他填詞的新歌《ChatMrE》，歌名是ChatGPT和E先生的合體，內容講到AI與人類的關係。可擔心AI版Edan比原裝真人更優勝？Edan笑說：「AI好有趣呀，可以探索未來，AI版Edan要似我個樣先得，仲要靚仔過我真人，如果仲樣衰過我就大件事喇！」《ChatMrE》
的歌詞提到AI可以3秒完成作曲作詞，若花3秒變出AI版Edan，相信都很神奇，但Edan始終覺得AI是取代不了人類的真摯情感。
除了為新歌宣傳，他也密密搵銀，最近就替寬頻服務拍一輯廣告，仲即場打機試網速。