網上熱話｜港女執到200蚊網上好心「約交收」　卻反被網民取笑

香港地充滿不少好人好事，不過近日一名港女好心執到錢後，欲還給物主卻反被網民「取笑」。後來港女表示，了解拾遺不報是違法行為，因此已將撿到的現金送到附近警局，更揚言「警察話三個月冇人認領會唔會要？我唔會要」。

港女執200蚊網上好心「約交收」

有熱心人日前於社交平台群組「香港失物報失及認領群組」上發文，指23日早上在路邊執到兩張100張鈔票，要求物主「講啱地址約交收」。只見該照片攝於23日早上8時半左右，圖片則只拍到地面磚路及坑渠。

帖文引來不少網民亂猜地點；亦有人又懷疑為長者遺失；有留言卻「取笑」，指物主根本不可能說出具體位置，「知道自己邊度跌就唔叫跌嘢，叫揼嘢啦」。

港女：已交咗畀警署 唔會要

其後該名港女回應，表示自己在原地等待許久，但未見有人回頭，又了解，明白拾遺不報是違法行為，已將現金送到附近警局，「已交咗畀警署，唔會要，我叫警察捐咗佢。」

不過一眾網民似乎不肯放過港女，公開問她，「你唔要警署會點處理？會公開處理方式？」。其後港女回應：「捐贈畀機構」；甚至表示，「交咗去警署，警察話三個月冇人認領會唔會要，我唔會要」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)