廣告（請繼續閱讀本文）
藝人張致恒轉投情趣用品售貨員行列，近日在社交平台手持情趣用品推銷，表示：「喂，聖誕節話咁快就就嚟到啦，有冇諗好有啲咩禮物送俾朋友呢？冇嘅話……今期最新推介……其實大家都係普通人都係需要放鬆，所以如果大家有咩需要可以上嚟舖頭搵我，我一定會幫你搵到最好嘅解決方法！」
有不少網民表示支持，不過有多位網民質疑他的做法，表示他身為公眾人物應該注意言行：「OMG，我睇緊啲咩？！公然叫人賣（買）性玩具」。張致恒即回：「公然？乜我做緊犯法咩？」有網民則認為會影響到小朋友：「只不過身為一個公眾人物，做呢啲推銷，有無諗過會影響小朋友？」張致恒嬲爆反擊：「我只係知道我唔做嘅話我連飯都冇得食，有啲顧慮咁多咩？」網民再留言：「所以我選擇唔生，生咗又要好似你咁周圍問人借錢養仔，咁為乜？！仲要生四件」。張致恒辯護：「請問你又知道我經歷緊啲乜嘢咩？其實祝福你三個字唔係咁難打㗎咋，點解做人一定要惡意？講句好聽嘅說話真係咁難咩？」不過亦有人指他扮可憐經常問人借錢。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）